“Deputat nazorati” 

  Xalq deputatlari tuman Kengashi raisi N. Abrarov saylov okrugidagi “Xo‘jaobod” mahalla fuqarolar yig‘inida barpo etilayotgan
yangi mahalla binosi qurilishi ishlari bilan yaqindan tanishdi.

Tashrif davomida deputat tomonidan qurilish ishlarining borishi, binoning loyiha asosida barpo etilishi, qurilish sifati va muddatlariga amal qilinishi masalalari o‘rganildi. Mazkur yangi bino mahalla aholisiga yanada qulay sharoitlar yaratish, fuqarolarga xizmat ko‘rsatish sifatini oshirish hamda mahallada ijtimoiy ishlar samaradorligini ta’minlashga xizmat qilishi ta’kidlandi. Shuningdek, deputat qurilish jarayonida mas’ul tashkilotlar va mutasaddilar bilan muloqot qilib, ishlarni belgilangan muddatlarda va sifatli amalga oshirish yuzasidan tegishli tavsiya va takliflarini bildirdi.Yangi mahalla binosining barpo etilishi hudud aholisi uchun muhim ahamiyatga ega bo‘lib, kelgusida mahallada olib boriladigan ijtimoiy-huquqiy va ma’naviy-ma’rifiy ishlar samaradorligini yanada oshirishga xizmat qiladi.