Deputatlarning navbatdagi uchrashuvi tashkil etildi

Paxtakor tumanidagi 12-sonli umumta'lim maktabida tuman Kengashi deputatlari Andayev Axmad Rustamovich va Safarov Usmanali Yangiboyevich hamda kotibiyat mudiri Mamanova Karomat Xolmanovna "Paxtakor" mahallasi fuqarolari bilan ochiq muloqot o‘tkazdi. Uchrashuvda fuqarolarning ularni qiynab kelayotgan muammolar, taklif va tashabbuslari atroflicha muhokama qilindi.

Tadbirda mahalla infratuzilmasini yaxshilash, ichki yo‘llarni ta’mirlash, ichimlik suvi va elektr ta’minotidagi uzilishlarni bartaraf etish masalalari ko‘tarildi. Shuningdek hududni obodonlashtirish yuzasidan takliflar bildirildi.

Deputatlar har bir murojaatni alohida qayd etib, masalalarni tegishli tashkilotlar bilan hamkorlikda hal etish bo‘yicha aniq choralar belgilashlarini ma’lum qildi. 

Uchrashuvda ayrim muammolar yuzasidan deputatlik so‘rovi kiritilishi, mas’ul idoralarga rasmiy murojaatlar yuborilishi ta’kidlandi.