Deputat mahallada amalga oshirilgan ishlarni o‘rgandi

Hududdagi ijtimoiy-iqtisodiy jarayonlarni o‘rganish maqsadida deputat Karomat Mamanova "Suvonobod" mahalla fuqarolar yig'iniga tashrif buyurib, “yettilik” tomonidan amalga oshirilgan ishlar bilan atroflicha tanishdi.

Tashrif davomida hududni obodonlashtirish, ichki ko‘chalarni tartibga keltirish, sanitariya holatini yaxshilash borasida bajarilgan ishlar ko‘zdan kechirildi. Shuningdek, ijtimoiy himoyaga muhtoj oilalar, yolg‘iz keksalar hamda nogironligi bo‘lgan fuqarolarni qo‘llab-quvvatlash yo‘nalishida olib borilgan manzilli yordam ishlari o‘rganildi.

Yoshlar bandligini ta’minlash, ularni kasb-hunarga yo‘naltirish, profilaktika tadbirlarini kuchaytirish hamda huquqbuzarliklarning oldini olish borasidagi chora-tadbirlar yuzasidan ham ma’lumotlar olindi.

Tashrif davomida fuqarolar tomonidan ko‘tarilgan muammolar – atroflicha o'rganildi. Har bir holat joyida tahlil qilinib, mavjud kamchiliklarni bartaraf etish bo‘yicha aniq vazifalar belgilandi.