Deputatlar tashabbusi bilan fuqarolar uchun qulay sharoitlar yaratilmoqda

Xalq deputatlari Olmazor tumani Kengash raisi Shaxnoza Umarxodjayevaning tashabbusi bilan Olmazor tumani “Yuqori Beshqo‘rg‘on” MFY hududida joylashgan "Koshona" ko‘chasida o‘tkazilgan uchrashuvlar hamda fuqarolar murojaatlarini o‘rganishlar asosida deputat so‘rovi tegishli davlat organlariga yuborildi va ular yuzasidan ijobiy natijalarga erishildi. Xususan, amalga oshirilgan infratuzilma ishlari, mahalla aholisining hayotini yaxshilashga xizmat qildi. Asfalt qoplamalari yotqizish ishlari muvaffaqiyatli yakunlandi, bu esa aholining yo'llarda erkin harakatlanishi uchun sezilarli darajada qulaylik yaratildi. To‘planib qolgan yomg‘ir suvlarni ketishi uchun gofra quvur o‘rnatilib, kanalga chiqadigan qilindi. Piyodalar uchun alohida xavfsiz yo‘lakchalar o‘rnatilmoqda.

Bugun mahalladagi barcha aholi o'zlarining yashash sharoitlarining yaxshilanishidan mamnun bo'lib, okrug deputati, tuman hokimligiga va mutasaddi tashkilotlarga o'z minnatdorchiliklarini bildirishdi.

Asfalt yo'llar va yo'laklar yotqizilishi natijasida, mahalla hududida transport harakati osonlashdi, aholi va bolalar uchun xavfsiz va qulay sharoitlar yaratildi. Mahalla aholisining bu kabi ijobiy munosabati Mahalliy Kengashlar va fuqarolar o'rasidagi ishonchni orttirmoqda.

Aholining farovonligi va turmush sharoitlarini yaxshilashda davom etiladi.