Mahalla yettiligi tomonidan taqdim etilgan ma’lumotlar bilan batafsil tanishish hamda hududda olib borilayotgan ishlarning amaldagi holatini o‘rganish maqsadida joyiga chiqib keng qamrovli o‘rganish ishlari tashkil etildi. O‘rganish jarayonida hududda amalga oshirilgan ijtimoiy-iqtisodiy, ma’naviy-ma’rifiy hamda obodonlashtirish ishlari atroflicha tahlil qilinib, mavjud yutuqlar bilan bir qatorda yo‘l qo‘yilgan kamchilik va muammolar ham aniqlandi.

Shuningdek, aholi xonadonlariga tashriflar uyushtirilib, fuqarolarning ijtimoiy ahvoli, bandligi, turmush sharoiti, mavjud muammolari hamda murojaatlari bevosita joyida o‘rganildi. Fuqarolar bilan ochiq muloqotlar o‘tkazilib, ularni qiynab kelayotgan masalalar yozib olinib, tegishli tashkilotlar bilan hamkorlikda hal etish choralarini ko‘rish yuzasidan takliflar shakllantirildi.

Bundan tashqari, hududdagi MMT faoliyati ham atroflicha ko‘rib chiqilib, amalga oshirilayotgan ishlar samaradorligi, hujjatlar yuritilishi, aholi bilan ishlash tizimi hamda reja-grafiklar ijrosi o‘rganildi. Mas’ullar bilan suhbatlar o‘tkazilib, mavjud kamchiliklarni bartaraf etish, ish samaradorligini oshirish va xizmat sifatini yaxshilash bo‘yicha aniq tavsiyalar berildi.

O‘rganish yakunida aniqlangan kamchiliklarni qisqa muddatlarda bartaraf etish, aholi murojaatlari bilan ishlashni yanada kuchaytirish, joylarda tizimli nazorat o‘rnatish hamda kelgusida belgilangan vazifalarni sifatli va o‘z vaqtida bajarish zarurligi alohida ta’kidlandi.