Birlik okrugi deputati Sh. Fayziyeva bolalar sport maydonchasining holatini o‘rgandi 

Aholi, ayniqsa bolalar uchun yaratilgan sport infratuzilmasi, uning holati va
imkoniyatlarini o‘rganish maqsadida Birlik okrugi deputati Sh. Fayziyeva
hududdagi bolalar sport maydonchasida monitoring ishlarini amalga oshirdi. 

Tashrif davomida deputat sport maydonchasining jihozlanish darajasi, mavjud sport
anjomlari, bolalarning xavfsiz o‘ynashi va mashg‘ulotlar o‘tkazishi uchun
shart-sharoitlar qay darajada ta’minlanganini ko‘zdan kechirdi. 

O‘rganishlar shuni ko‘rsatdiki, maydoncha bolalar uchun zarur sharoitlar bilan ta’minlangan,
o‘yin maydonlari tartibga keltirilgan va sport anjomlaridan foydalanish
imkoniyati mavjud. Aholi vafolalari ham bolalarning vaqti mazmunli o‘tishi
uchun yaratilgan bu imkoniyatlardan mamnun ekanliklarini bildirishdi. 

Sport infratuzilmasini rivojlantirish va bolalarning sog‘lom turmush tarzini
qo‘llab-quvvatlash mahalladagi muhim vazifalardan biri hisoblanadi.