#Eko_harakat #yashil_makon #deputat_faoliyati #Andijon_shahar  

Andijonlik deputatlar “Mening bog‘im” loyihasida faol ishtirok etmoqda 🌱

O‘zbekistonda “Mening bog‘im” dasturi doirasida yaratuvchilik ishlari yanada jadallashmoqda 🌿 Davlat rahbarining “Yashil makon” umummilliy loyihasi doirasida ko‘chat ekish tadbirida bildirgan fikrlari yurtdoshlarimizni faollikka undadi. Hududlarda yashil bog‘lar yaratish, aholi va deputatlar ishtirokini kengaytirish borasidagi tashabbuslar jamoatchilik tomonidan keng qo‘llab-quvvatlanmoqda 🤝

Jumladan, Andijonlik mahalliy kengash deputatlari ham bu chaqiriqqa amaliy javob bermoqda. Yangi tashkil etilgan Bobur shahrida “Adolat” bog‘ini barpo etish ishlari boshlandi 🌳 Ushbu xayrli tashabbusda Xalq deputatlari Andijon shahar Kengashi deputati Q.Qayumov hamda “Adolat” SDP Andijon viloyati Kengashi mutasaddi rahbarlari faol ishtirok etmoqda.

Partiya faollari va deputatlar tomonidan manzarali ko‘chatlar ekilib, yangi yashil hudud barpo etilmoqda 🌼 Bu tashabbus aholi tomonidan ham iliq kutib olinib, ularning ishtirokida yanada kengaymoqda.

Deputat har bir ishda tashabbuskor va faol bo‘lishi lozim. Biz boshlagan ishga aholi ham keng jalb etilmoqda. Bugun ekilayotgan har bir ko‘chat kelajak avlod uchun munosib meros, sog‘lom muhit poydevori hisoblanadi 🌍

Ta’kidlash joizki, barpo etilayotgan har bir yashil bog‘ aholi yashash hududlariga yaqin, suv ta’minoti mavjud bo‘lgan joylarda tashkil etilmoqda 💧 Bu esa ko‘chatlarning parvarishi va bog‘larning barqaror rivojlanishini ta’minlaydi.

Shubhasiz, bunday ezgu tashabbuslar yurtimiz tabiatini yanada go‘zallashtirib, ekologik muhitni yaxshilashga xizmat qiladi 🌸