Deputatning amaliy ishi: Uyas qishlog‘ida yangi asfalt yo‘llar foydalanishga topshirildi

“Obod xonadon – obod ko‘cha – obod mahalla” tamoyili asosida Baxmal tumanida keng ko‘lamli bunyodkorlik ishlari olib borilmoqda. Bu jarayonda xalq vakillarining faolligi alohida ahamiyatga ega.

Xalq deputatlari Baxmal tuman Kengashi deputati Zokir To‘raqulov o‘zi saylangan hududdagi muammolarni o‘rganish davomida “Mug‘ol” MFY, Uyas qishlog‘i aholisining yo‘l masalasidagi murojaatiga alohida e’tibor qaratdi. Deputat tashabbusi bilan qisqa fursatda qishloqning ichki ko‘chalariga asfalt yotqizilib, aholi uchun qulaylik yaratildi.

Bu kabi amaliy ishlar xalq va deputat o‘rtasidagi ishonchni mustahkamlab, hududlarning ijtimoiy-iqtisodiy rivojlanishiga turtki bo‘lmoqda.