🔵Xalq deputatlari Uzun tumani Kengashining Odob-axloq doimiy komissiyasi raisi tashabbusi bilan tuman deputatlari uchun navbatdagi amaliy yig‘ilish bo‘lib o‘tdi.

Unda xalq vakillarining faoliyatini yanada kuchaytirish, ularning huquqiy maqomi va mas'uliyatini oshirish masalalari muhokama qilindi.

Asosiy e'tibor qaratilgan yo'nalishlar
Yig‘ilish davomida deputatlik maqomi hamda Mahalliy Kengash deputati faoliyatining eng muhim yo‘nalishlari bo‘yicha ishlab chiqilgan tavsiyalarga alohida urg‘u berildi:

Aholi bilan doimiy muloqot: Saylovchilar bilan ochiq muloqotni yo‘lga qo‘yish, ularning muammolarini o‘z vaqtida eshitish va hal etish choralarini ko‘rish.

Deputatlik nazorati: Hududda amalga oshirilayotgan ijtimoiy-iqtisodiy islohotlar, qurilish va obodonlashtirish ishlari hamda davlat dasturlari ijrosi ustidan qat'iy jamoatchilik nazoratini o‘rnatish.

Odob-axloq qoidalariga rioya etish: Deputat maqomiga yuksak hurmat bilan yondashib, xulq-atvor va etika me'yorlariga qat'iy amal qilish, doimo el-urt manfaatlari yo‘lida namuna bo‘lish.

Tashabbuskorlik va mas'uliyat: Mahalliy Kengash sessiyalarida faol qatnashib, tuman rivojiga xizmat qiladigan dolzarb masalalarni kun tartibiga kiritish hamda amaliy takliflar berish