📍Navoiy mahallasida tuman Kengashining tegishli qarori asosida barpo etilayotgan yangi bolalar maydonchasida qurilish ishlarining dastlabki jarayonlari o‘rganildi.

🔎 O‘rganish jarayonida Xalq deputatlari Uchquduq tuman Kengashi kotibiyati bosh mutaxassisi M.Muhammadiyev tomonidan qurilish ishlarining borishi, hududni obodonlashtirish hamda bolalar uchun zamonaviy va qulay sharoitlar yaratish bo‘yicha amalga oshirilayotgan ishlar ko‘zdan kechirildi.

Mazkur bolalar maydonchasining barpo etilishi mahalla hududida istiqomat qiluvchi bolalarning bo‘sh vaqtini mazmunli o‘tkazishi, sport va turli harakatli o‘yinlar bilan shug‘ullanishi uchun qulay imkoniyatlar yaratishga xizmat qiladi.

🏡Yangi bolalar maydonchasi — mahalla farzandlari uchun quvonch, ota-onalar uchun esa yanada qulay va obod muhit demakdir.

📌Qurilish ishlarining belgilangan talablar asosida, sifatli va tartibli amalga oshirilishi yuzasidan tegishli o‘rganish va nazorat ishlari davom ettiriladi.