Mahallalarda aholi bandligini ta’minlash, oilalar daromadini oshirish, tadbirkorlikni rivojlantirish hamda kambag‘allikni qisqartirish borasida amalga oshirilayotgan ishlarning samaradorligini joyiga chiqqan holda o‘rganish deputatlik nazoratining muhim yo‘nalishlaridan biri hisoblanadi.

O‘zbekiston Respublikasi Prezidentining PQ–406-son qarori, Oliy Majlis Senati Kengashining KQ–35-V-son qarori hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya asosida Xalq deputatlari Marg‘ilon shahar Kengashi deputati M. Raimdjanov hamda Kengash kotibiyati bosh mutaxassisi N. Akbarova tomonidan 7-Bahrin saylov okrugi hududidagi “O‘rda tagi” mahallasida o‘rganish o‘tkazildi.

O‘rganish davomida O‘zbekiston Respublikasi Prezidentining “Barqaror ish o‘rinlarini yaratish va kichik biznesni jadal rivojlantirish orqali aholi daromadlarini oshirish chora-tadbirlari to‘g‘risida”gi PF–193-son Farmonida belgilangan vazifalar ijrosi, xususan, aholi bandligini ta’minlash, daromad manbalarini kengaytirish, tadbirkorlik tashabbuslarini qo‘llab-quvvatlash va kambag‘allikni qisqartirish yo‘nalishlarida hokim yordamchisi tomonidan amalga oshirilayotgan ishlar joyiga chiqqan holda ko‘rib chiqildi.

Shuningdek, mahalladagi mavjud imkoniyatlardan samarali foydalanish, bandlikka muhtoj fuqarolarni ish bilan ta’minlash hamda tadbirkorlik faoliyatini yo‘lga qo‘yish bo‘yicha amalga oshirilayotgan ishlarning amaliy natijalariga e’tibor qaratildi.

O‘rganish yakunlari bo‘yicha aniqlangan masalalar tegishli tartibda rasmiylashtirilib, ularning ijrosi deputatlik nazoratiga olindi.