ЁШЛАРНИНГ ТАКЛИФ ВА ТАШАББУСЛАРИ ҚЎЛЛАБ-ҚУВВАТЛАНМОҚДА
Янгиқўрғон тумани ҳокими, Халқ депутатлари Янгиқўрғон тумани Кенгаши депутати Нажмиддинов Асадулла Икромович ўзи сайланган округ ҳудудида ёшлар билан очиқ мулоқот ўтказди.
Учрашувда ишсиз ҳамда тадбиркорлик фаолиятини йўлга қўйиш истагида бўлган ёшлар иштирок этиб, ўзларини қийнаётган масалалар, мавжуд муаммолар, таклиф ва ташаббусларини баён этдилар.
Мулоқот давомида ёшларнинг бандлигини таъминлаш, уларни касб-ҳунар ва тадбиркорликка жалб этиш, истиқболли бизнес ғояларини қўллаб-қувватлаш, кредит маблағлари ажратилишига кўмаклашиш ҳамда фаолият бошлаши учун зарур шароитларни яратиш масалалари муҳокама қилинди.
Ёшлар томонидан билдирилган ҳар бир мурожаат ва таклиф атрофлича ўрганилиб, ижросини таъминлаш учун тегишли масъулларга бириктирилди. Муаммоларни қонуний ва ижобий ҳал этиш бўйича аниқ чора-тадбирлар белгилаб олинди.
Учрашув ёшлар билан бевосита мулоқот қилиш, уларнинг ғоя ва ташаббусларини қўллаб-қувватлаш ҳамда мурожаатларига амалий ечим топишга қаратилгани билан аҳамиятли бўлди.