#24_ta_tavsiyalar_ijrosi
#21_band
#162_qonun
#deputat_faoliyati
#kotibiyat_xodimi_faoliyati

“Bag'rikeng” mahallasida jinoyatchilikka qarshi kurashish bo‘yicha amalga oshirilayotgan ishlar muhokama qilindi

Xalq deputatlari Bandixon tumani Kengashi deputatlari tomonidan hududlarda qonun hujjatlari ijrosini o‘rganish, fuqarolar xavfsizligini ta’minlash hamda huquqbuzarliklarning oldini olish borasida amalga oshirilayotgan ishlar muntazam tahlil qilib borilmoqda.

Shu doirada, Xalq deputatlari Bandixon tumani Kengashiga 11-“Bag'rikeng” saylov okrugidan saylangan deputat J.Abdinazarovga biriktirilgan tuman Kengashi kotibiyati bosh mutaxassisi E.Eshonqulov "Bag'rikeng" mahalla fuqarolar yig‘inida bo‘lib, hududda jinoyatchilikka qarshi kurashish bo‘yicha amalga oshirilayotgan ishlar muhokama qilindi.

O‘rganish davomida mahallada jamoat xavfsizligini ta’minlash, huquqbuzarliklarning barvaqt oldini olish, profilaktik hisobda turuvchi shaxslar bilan ishlash, muammoli oilalar va ijtimoiy jihatdan xavfli vaziyatga tushib qolgan fuqarolar bilan olib borilayotgan profilaktik tadbirlar holatiga e’tibor qaratildi.

Mazkur jarayon mahalliy Kengash deputatlari faoliyatining eng muhim 24 ta yo‘nalishi doirasida tashkil etildi.

O‘rganish jarayonida profilaktika inspektori faoliyatiga O‘zbekiston Respublikasining “Huquqbuzarliklar profilaktikasi to‘g‘risida”gi 2014-yil 14-maydagi O‘RQ-371-son Qonuni hamda O‘zbekiston Respublikasi Prezidentining 2026-yil 5-yanvardagi PQ–1-son “Respublika mahallalarida xavfsiz muhitni yaratish yo‘nalishida yaxlit manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi qarori talablari asosida baho berildi.

Mas’ullar tomonidan mahallada xavfsiz va osoyishta muhitni ta’minlash faqat sodir etilgan huquqbuzarliklarga munosabat bildirish bilangina cheklanmasdan, ularning oldini olish, sabab va shart-sharoitlarini barvaqt aniqlash hamda fuqarolar bilan manzilli profilaktik ishlash orqali yo‘lga qo‘yilishi lozimligi ta’kidlandi.

O‘rganish yakunlari bo‘yicha aniqlangan masalalar yuzasidan tegishli tavsiyalar berilib, profilaktika inspektori faoliyatini yanada takomillashtirish, mahallada huquq-tartibotni mustahkamlash va aholi xavfsizligini ta’minlashga qaratilgan ishlarni izchil davom ettirish belgilandi.