📌Bugungi kunda mahallalarda xotin-qizlarning huquq va manfaatlarini himoya qilish, ularni ijtimoiy-iqtisodiy qo‘llab-quvvatlash hamda bandligini taʼminlashda xotin-qizlar faollarining o‘rni beqiyosdir. Mazkur yo‘nalishdagi navbatdagi o‘quv seminari xotin-qizlar faollarining malakasini oshirish va ularga amaliy ko‘maklashish maqsadida tashkil etildi. Unda Xalq deputatlari Jizzax shahar Kengashi deputati M.Abdusattarova ishtirok etdi.

🔸Seminar davomida deputat M.Abdusattarova so‘zga chiqib, mahallalarda xotin-qizlar bilan ishlash tizimini yangi bosqichga olib chiqish, ularning muammolarini “mahallabay” o‘rganish va og‘irini yengil qilish borasidagi dolzarb vazifalarga to‘xtalib o‘tdi. Xalq vakili faollarning kundalik ish faoliyatida duch kelayotgan masalalar, xotin-qizlarni tadbirkorlikka jalb etish, ajrimlarning oldini olish va oilaviy muhitni sog‘lomlashtirish bo‘yicha muhim tushunchalar hamda tavsiyalar berdi.