FUQARO MUAMMOSI AMALIY YECHIM TOPDI
Xalq deputatlari Pastdarg‘om tumani Kengashi deputati F.Turayev tashabbusi bilan fuqarolar murojaatlari bilan ishlash doirasida Juraeva Gulmiraning murojaati o‘rganildi.
Murojaatchi o‘zining masofaviy shaklda nodavlat oliy ta’lim muassasasida tahsil olayotgani, II guruh nogironligi bo‘lgan shaxs ekanligi, Ijtimoiy reyestrda turishi hamda 5 nafar farzandi borligini ma’lum qilib, o‘qish uchun to‘lanishi lozim bo‘lgan kontrakt mablag‘ini to‘lashda qiynalayotganini bildirdi.
📌 Deputat F.Turayev tashabbusi bilan mazkur murojaat yuzasidan tegishli amaliy choralar ko‘rilib, mahalliy saxovatpesha tadbirkor tomonidan fuqaroning o‘qish kontrakti to‘liq to‘lab berildi.
✨ Ushbu ezgu tashabbus orqali fuqaroning murojaati ijobiy hal etilib, ta’lim olishida davom etishi uchun zarur sharoit yaratildi.
Xalq vakili — xalq dardi bilan birga.