Xalq deputatlari Uchquduq tuman Kengashining 6-Tog‘ saylov okrugi deputati, tuman hokimi Uchqun Yelmuratov ishtirokida kambag‘allikni qisqartirish, aholi bandligini ta’minlash hamda fuqarolar murojaatlarini o‘rganishga bag‘ishlangan uchrashuv bo‘lib o‘tdi.

👤 Uchrashuvda “Asakabank” AJ boshqaruv raisi maslahatchisi Alisher Boymurodov ham ishtirok etib, fuqarolarning murojaat va takliflarini tingladi.

📊 Mahalladagi kambag‘allikni qisqartirish borasida amalga oshirilayotgan ishlar:
🔹 Ayni paytda mahallada 26 nafar fuqaro kambag‘allik reestrida mavjud.

✅ Bugunga qadar 8 nafar fuqaroning muammolari ijobiy hal etilib, ular ishga joylashtirildi va kambag‘allik reestridan chiqarildi.

📝 Shuningdek, yana 5 nafar fuqaroning murojaatlari o‘rganilib, mavjud muammolar yuzasidan tegishli tushuntirish va tavsiyalar berildi.

💬 Uchrashuv davomida 10 nafar fuqaroning murojaatlari tinglandi. Fuqarolar tomonidan bildirilgan bandlik, farzandlar ta’limi hamda ijtimoiy masalalarga oid murojaatlar yuzasidan amaliy choralar belgilandi.

🏭 Fuqarolar murojaatlaridan kelib chiqib, ularni xususiy sektor korxonalariga hamda kvota asosida sanoat korxonalariga ishga yo‘naltirish bo‘yicha mas’ullarga tegishli vazifalar yuklatildi.

🎯 Bunday uchrashuvlarning asosiy maqsadi — fuqarolar muammolarini joyida o‘rganish, ularni manzilli hal etish, yangi ish o‘rinlariga yo‘naltirish va oilalar daromadini oshirish orqali kambag‘allikni qisqartirishdan iborat.