Xalq deputatlari Shovot tumani Kengashining 24-Gulshan saylov okrugidan saylangan deputati Masharipov Izzat Masharipovich hamda Xalq deputatlari Xorazm viloyati Kengashining 36-Monoq saylov okrugidan saylangan deputati Ishchanov Alibek Raximberganovich Gulshan mahallasida ko‘chama-ko‘cha yurib, aholi bilan ochiq muloqot o‘tkazdilar.
Muloqotlar davomida fuqarolarning murojaatlari, taklif va muammolari tinglanib, ularni joyida o‘rganish hamda imkon qadar tezkor hal etishga alohida e’tibor qaratildi.
Xususan, mahallada nonvoyxona faoliyatini yo‘lga qo‘ygan tadbirkor bilan uchrashilib, uning tadbirkorlik faoliyatini rivojlantirish va kengaytirish bilan bog‘liq masalalari o‘rganildi.
Tadbirkorning asosiy muammosi faoliyatini kengaytirish maqsadida imtiyozli kredit olish bilan bog‘liq ekani aniqlandi. Mazkur masala yuzasidan tegishli tushuntirishlar berilib, tadbirkorni kredit olish jarayonida ko‘maklashish maqsadida tuman Xalq banki bilan bog‘lanish masalasi joyida hal etildi.
🤝 Aholi bilan bevosita muloqot — muammolarni aniqlash, ularni joyida o‘rganish va amaliy yechim topishning eng samarali yo‘llaridan biridir.