Xalq deputatlari Chilonzor tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishi ZOOM platformasi orqali o‘tkazildi.
Yig‘ilish kun tartibidan Yoshlar ishlari agentligi Chilonzor tuman bo‘limining 8 oylik faoliyati yakunlari, yoshlar bilan ishlash samaradorligi, ularning muammolarini o‘rganish va bandligini ta’minlash borasida amalga oshirilgan ishlar muhokama qilindi.
Shuningdek, Xalq deputatlari Chilonzor tumani Kengashi huzuridagi “Yoshlar maslahat guruhi” tarkibiga o‘zgartirish kiritish masalasi ham ko‘rib chiqildi.
Muhokama davomida yoshlarni qo‘llab-quvvatlash, ularning huquq va manfaatlarini himoya qilish, tashabbuslarini rag‘batlantirish hamda yoshlar bilan ishlashda deputatlik nazoratini yanada kuchaytirish yuzasidan fikr va takliflar bildirildi.
Yig‘ilish yakunida kun tartibidagi masalalar yuzasidan tegishli qarorlar qabul qilinib, mas’ullarga zarur vazifalar belgilab berildi.