#biriktirilgan_tashkilot

Mo’g’ol MFYda bandlik sohasidagi qonunchilik ijrosi o‘rganildi
Xalq deputatlari Baxmal tuman Kengashi deputati U.Almanov tomonidan o‘ziga biriktirilgan tuman Madaniyat bo’limi hamda “Mo’g’ol” MFY hududi yoshlar yetakchisining Mo‘g‘ol mahalla fuqarolar yig‘inida aholi bandligini ta’minlash, ishsiz fuqarolarni kasb-hunarga o‘qitish hamda ularni munosib ish o‘rinlariga yo‘naltirish borasida amaldagi qonunchilik hujjatlarining ijrosi o‘rganildi.O‘rganish davomida mahallada bandlikni ta’minlash bo‘yicha amalga oshirilayotgan ishlar, yangi ish o‘rinlari yaratish, ishsiz va ish izlayotgan fuqarolarni aniqlash hamda ularni mehnat bozoriga jalb etish holatiga alohida e’tibor qaratildi.Aniqlangan kamchiliklarni bartaraf etish, aholi bandligini ta’minlash samaradorligini oshirish hamda qonunchilik talablarining to‘liq ijrosini ta’minlash yuzasidan mas’ullarga tegishli tavsiya va ko‘rsatmalar berildi.