Yangi bog‘chaning ochilish marosimida xalq deputatlari Uchko‘prik tumani Kengashi raisi S.Akbarov, mahalla faollari, ota-onalar, nuroniylar, tadbirkorlar hamda jamoatchilik vakillari ishtirok etdilar. Tadbirni ochib bergan Kengash raisi Sattarxo‘ja Akbarov yig‘ilganlarni yurtimiz mustaqilligining 35 yilligi hamda zamonaviy va shinam maktabgacha ta’lim tashkilotining ochilishi bilan samimiy muborakbod etdi. 

Tadbir davomida bog‘chaning faoliyati, bolalar uchun yaratilgan sharoitlar bilan tanishildi. Zamonaviy ta’lim va tarbiya uchun zarur imkoniyatlarning yaratilgani, bolalarning mazmunli vaqt o‘tkazishi uchun qulay muhit shakllantirilgani alohida e’tirof etildi. Ta’kidlash joizki, “Intellekt Kids” xususiy maktabgacha ta’lim tashkilotining ishga tushirilishi nafaqat Mustaqillik bayramiga munosib tuhfa, balki hududda maktabgacha ta’lim qamrovini
kengaytirish, yangi ish o‘rinlari yaratish va aholi uchun qulay sharoitlarni ta’minlash yo‘lidagi muhim qadamdir. 

  👇Bizni kuzatishda davom eting👇 

🇺🇿 Xalq deputatlari Uchko‘prik tumani Kengashi