2-sentabr — “Bilimlar kuni” munosabati bilan Marg‘ilon shahridagi 4-sonli umumiy o‘rta ta’lim maktabida yangi o‘quv yilining boshlanishiga bag‘ishlangan tantanali tadbir bo‘lib o‘tdi.

Unda Xalq deputatlari Marg‘ilon shahar Kengashi raisi O.Axmatshayev ham ishtirok etdi.

Tadbirda so‘zga chiqqan Kengash raisi yosh avlodga sifatli ta’lim-tarbiya berish, ularning zamonaviy bilim va ko‘nikmalarni egallashi, kelajakda Vatanimiz taraqqiyotiga munosib hissa qo‘shadigan yetuk insonlar bo‘lib voyaga yetishida ta’lim maskanlarining o‘rni beqiyos ekanini ta’kidladi.

Shuningdek, O.Axmatshayev Prezidentimizning 2-sentabr — “Bilimlar kuni” munosabati bilan o‘quvchi-yoshlarga, ustoz va murabbiylarga hamda ota-onalarga yo‘llagan tabrigini yig‘ilganlarga o‘qib eshittirdi.

Tadbir davomida maktab jamoasi, ustoz va murabbiylar, o‘quvchilar hamda ota-onalar yangi o‘quv yili bilan samimiy muborakbod etildi. O‘quvchilarga bilim olish yo‘lida ulkan zafarlar, yangi marralarni zabt etishda muvaffaqiyat, ustozlarga esa sharafli va mas’uliyatli faoliyatlarida kuch-g‘ayrat tilandi.

Yangi o‘quv yili barcha o‘quvchi va ustozlar uchun yangi imkoniyatlar, ezgu maqsadlar va katta yutuqlar yili bo‘lsin! 🇺🇿📚