#deputatlik_nazorati_Uchtepa #deputat_so'rovi

🇺🇿 Xalq deputatlari Uchtepa tumani Kengashi "23-Haqiqat" okrugi deputati Xaydarov Artur Mixaylovich tomonidan Uchtepa tumani hokimining qurilish, to‘siqlarsiz muhit yaratish, kommunikasiyalarni rivojlantirish, ekologiya va ko‘kalamzorlashtirish masalalari bo‘yicha o‘rinbosari – tuman Obodonlashtirish boshqarmasi boshlig‘i Nurali Ismatovga navbatdagi deputatlik so'rovi chiqarildi.

📁 Uchtepa tumanidagi Hamdo‘st mahallasi hududida, mahalla idorasi yaqinida joylashgan bo‘sh yer maydoni o‘rganilganda, mazkur hududdan aholi, ayniqsa, bolalar va yoshlar manfaatlari yo‘lida samarali foydalanish imkoniyati mavjudligi mavjudligi qayd etilgan.

📈 Mazkur bo‘sh hududda zamonaviy bolalar o‘yingohi hamda zamonaviy workout (sport mashqlari) maydonchasini barpo etish mahalla bolalari va yoshlarining bo‘sh vaqtini mazmunli tashkil etish, ularni sportga keng jalb qilish, sog‘lom turmush tarzini targ‘ib etish hamda hududning obodonchiligi va ijtimoiy infratuzilmasini yaxshilashga xizmat qilishini inobatga olib, yuqoridagi masala yuzasidan so'ralmoqda:

✍️ Hamdo‘st mahallasi mahalla idorasi yaqinidagi bo‘sh yer maydonini joyiga chiqqan holda o‘rganib, unda zamonaviy bolalar o‘yingohi va workout maydonchasini barpo etish imkoniyatini ko‘rib chiqish;

✍️ mazkur taklifni 2027-yilga mo‘ljallangan Uchtepa tumani hududini ijtimoiy-iqtisodiy rivojlantirish va obodonlashtirish dasturiga kiritish masalasini belgilangan tartibda ko‘rib chiqish;

✍️ bolalar o‘yingohi va workout maydonchasini barpo etish uchun zarur bo‘lgan moliyalashtirish manbalarini aniqlash hamda amalga oshirish muddatlarini belgilash bo‘yicha amaliy choralar ko‘rish;

✍️ ko‘rilgan choralar, taklifning 2027-yilgi tuman dasturiga kiritilgan yoki kiritilishi rejalashtirilganligi, shuningdek, uni amalga oshirishning aniq mexanizmi haqida qonunchilikda belgilangan muddatda asosli tarzda yozma javob yuborish so‘ralmoqda.

🗣 Deputatlik so‘rovida ko‘tarilgan masala yuzasidan o‘rganish natijalari hamda amalga oshiriladigan ishlar bo‘yicha 10 kun muddatda asoslantirilgan ma’lumot taqdim etish talabi qo‘yilgan. Mazkur masala deputat tomonidan nazoratga olingan.