Xalq deputatlari Toyloq tuman Kengashining 19-O‘rtaqishloq saylov okrugidan saylangan deputati Komil Jumanazarovich Oripov Fayziobod mahallasida mahalla raisi, hokim yordamchisi hamda ijtimoiy xodimlar ishtirokida aholini ijtimoiy qo‘llab-quvvatlash borasida amalga oshirilayotgan ishlarni o‘rgandi.

🤩O‘rganish davomida kam ta’minlangan oilalarga ijtimoiy nafaqalar va moddiy yordam tayinlash jarayonlari, shuningdek, hokim yordamchisi va ijtimoiy xodimlar faoliyatining samaradorligi ko‘rib chiqildi.

🤩Shuningdek, nogironligi bo‘lgan shaxslarga davlat tomonidan taqdim etilayotgan imtiyozlarning to‘g‘ri va maqsadli qo‘llanilishi holati o‘rganilib, aniqlangan masalalarni bartaraf etish yuzasidan mas’ullarga tegishli tavsiya va ko‘rsatmalar berildi.