Xalq deputatlari Qo‘qon shahar Kengashi deputati A.Mamatkulov tomonidan 28-"Shikorbegi" saylov okrugi hududidagi "Muqimiy shaharchasi" mahallasida xotin-qizlar faoli U.Xasanovaning faoliyati o‘rganildi.

O‘rganish davomida mahallada xotin-qizlarni qo‘llab-quvvatlash, ularning bandligini ta’minlash, kasb-hunarga o‘qitish hamda ijtimoiy faolligini oshirish borasida amalga oshirilayotgan ishlar tahlil qilindi.

Ma’lum qilinishicha, Muqimiy mahallasida jami 2 400 nafar xotin-qiz istiqomat qiladi. Shundan 198 nafari “Ayollar daftari”ga kiritilgan.

Ayni vaqtda 2 nafar xotin-qiz kasb-hunar kurslarida tahsil olib, yangi kasblarni egallamoqda. Shuningdek, 6 nafar xotin-qizning o‘zini o‘zi band qilishi ta’minlangan.

Bundan tashqari, 15 nafar xotin-qiz hokim yordamchisi bilan hamkorlikda ishga joylashtirilib, doimiy bandligi ta’minlangan.

O‘rganish davomida xotin-qizlarning bandligini ta’minlash, ularni kasb-hunarga yo‘naltirish va tadbirkorlik faoliyatiga jalb etish borasidagi ishlarni yanada kuchaytirish yuzasidan tegishli tavsiya va takliflar bildirildi.

Xalq deputatlari Qo‘qon shahar Kengashi