#_deputat_faoliyati
#_kunlik_ish_reja_ijrosi
#_kotibiyat_faoliyati
Tuman Kengashi va “Madad” nodavlat notijorat tashkiloti hamkorligi

Xalq deputatlari Sariosiyo tumani Kengashiga “23-Aeroport ” saylov okrugidan saylangan deputat N.Chorshanbieva va tuman Kengashi kotibiyati bosh mutaxassisi N.Xamdamova o‘z saylov okrugida aholi bilan uchrashuvlar o‘tkazib, fuqarolarning huquqiy savodxonligini oshirish va ularning huquqiy muammolarini hal etish masalalariga alohida e’tibor qaratmoqdalar.

Shu maqsadda saylov hududida joylashgan “Madad” nodavlat notijorat tashkiloti faoliyati bilan yaqindan tanishdilar. Uchrashuv davomida tashkilot tomonidan fuqarolarga ko‘rsatilayotgan bepul huquqiy maslahat va amaliy yordamlar, aholining huquq va manfaatlarini himoya qilish borasida amalga oshirilayotgan ishlar muhokama qilindi.
Shuningdek, fuqarolarning murojaatlarini o‘rganish, ularga huquqiy tushuntirishlar berish, ijtimoiy va huquqiy muammolarini hal etishda amaliy ko‘mak ko‘rsatish masalalari yuzasidan fikr almashildi.

Tadbir yakunida tuman Kengashi “Madad” NNT o‘rtasida hamkorlikni yanada kuchaytirish, aholiga huquqiy yordam ko‘rsatish qamrovini kengaytirish hamda fuqarolarning huquqiy bilim va madaniyatini yuksaltirishga qaratilgan qo‘shma tadbirlarni muntazam tashkil etish bo‘yicha kelishib olindi.

Bunday hamkorlik aholining huquqiy savodxonligini oshirish, fuqarolarning o‘z huquq va qonuniy manfaatlarini bilishi hamda ularni himoya qilish imkoniyatlarini kengaytirishda muhim ahamiyat kasb etadi.