Hurmatli ustoz va murabbiylar, aziz o‘quvchilar, talabalar hamda ta’lim sohasi xodimlari!

Xalq deputatlari Andijon shahar Kengashi nomidan barchangizni yangi 2026/2027-o‘quv yilining boshlanishi bilan samimiy muborakbod etamiz!

Yangi o‘quv yili — yangi maqsadlar, ezgu niyatlar va katta marralar sari tashlangan muhim qadamdir. Ta’lim va ilm-fan taraqqiyoti mamlakatimiz kelajagi, jamiyatimiz farovonligi hamda yosh avlodning munosib kamol topishida beqiyos ahamiyat kasb etadi.

Aziz o‘quvchi va talabalar! Sizlarga yangi bilimlarni egallashda, izlanish va ijodiy faoliyatingizda ulkan muvaffaqiyatlar tilaymiz.

Hurmatli ustoz va murabbiylar! Yosh avlodga sifatli ta’lim va munosib tarbiya berishdek sharafli faoliyatingizda sizlarga mustahkam sog‘lik, kuch-g‘ayrat va yuksak zafarlar tilaymiz.

Yangi o‘quv yili barcha ta’lim muassasalariga fayz-u baraka, yangi yutuq va muvaffaqiyatlar olib kelsin!

Yangi o‘quv yili muborak bo‘lsin!

Xalq deputatlari Andijon shahar Kengashi