Al Xorazmiy mahalla fuqarolar yig‘inida nogironligi bo‘lgan hamda boquvchisini yo‘qotgan oilalardan iborat 25 ta xonadon bayram munosabati bilan e’tibor va g‘amxo‘rlik bilan qamrab olindi.
Mazkur ezgu ishlar Chilonzor tumani Kengashi deputati Xusainov A.A. tashabbusi bilan tashkil etilib, bayram shukuhi, avvalo, mehr va e’tiborga muhtoj oilalar xonadoniga kirib borishi ta’minlandi.
Shuningdek, ijtimoiy himoyaga muhtoj oilalar farzandlarining yangi o‘quv yilini munosib boshlashi uchun ham alohida e’tibor qaratildi.
Bunday ezgu tashabbuslar zamirida, avvalo, inson qadrini ulug‘lash, ijtimoiy himoyaga muhtoj qatlamlarni qo‘llab-quvvatlash va yosh avlod uchun teng imkoniyatlar yaratish kabi oliyjanob maqsadlar mujassam.