Xalq deputatlari Andijon shahar Kengashi deputati, Suv xo‘jaligi va ekologiya masalalari bo‘yicha doimiy komissiya a’zosi Xojiakbar Xolmatov tashabbusi bilan O‘zbekiston Ekologik partiyasi Andijon viloyati Kengashi raisi bilan uchrashuv o‘tkazildi.

Uchrashuv davomida aholi tomonidan hosil qilinayotgan maishiy chiqindilarni o‘z vaqtida olib chiqib ketish holatini o‘rganish, mavjud holatni tahlil qilish hamda hududlarda o‘rganish ishlarini hamkorlikda tashkil etish masalalari muhokama qilindi.

Shuningdek, chiqindilarni boshqarish tizimini takomillashtirish, hududlarning sanitariya-obodonlashtirish holatini yaxshilash va aholi uchun qulay ekologik muhit yaratish bo‘yicha amaliy chora-tadbirlarni belgilash yuzasidan fikr almashildi.

Mazkur yo‘nalishdagi ishlar Doimiy komissiya faoliyati doirasida izchil davom ettiriladi.

Toza hudud — sog‘lom muhit va farovon hayot garovi!