QASHQAR MAHALLASIDA O‘RGANISH ISHLARI OLIB BORILDI 

Xalq deputatlari Quva tuman Kengashi deputati M.Meliboev hamda Kengash
kotibiyati bosh mutaxassisi M.To‘xtasinov tomonidan Qashqar mahalla fuqarolar
yig‘inining Qashqar ko‘chasida mavjud muammolarni o‘rganildi. 

Ko‘chaboshi K.Yunusov bilan birgalikda Qashqar ko‘chasi hududini aylanib,
muammolarni o‘rgandi. 

O‘rganish davomida ko‘chaboshi K.Yunusov va aholi Qashqar ko‘chasiga kirish
qismida joylashgan 3 ta beton elektr ustuni yo‘lning chap tomonida qolib
ketgani, yangi tortib o‘tkazilgan elektr tarmog‘i esa yo‘lning o‘ng tomonidan
o‘tkazilgani, yo‘lni kengaytirilishi natijasida mazkur ustunlar qatnov qismiga
yaqinlashib qolgani bois avtotransport vositalari harakatiga xalaqit
berayotgani va yo‘l harakati xavfsizligiga salbiy ta’sir ko‘rsatayotganini bildirdilar. 

Mazkur holat yuzasidan deputat tomonidan mas’ul tashkilotga deputat so‘rovi
kiritish va muammoni bartaraf etish bo‘yicha tegishli choralar ko‘rish
belgilandi. 

Muammo “Deputatning ko‘cha aylanish daftari”ga kiritilib, uning ijrosi
deputat nazoratiga olindi.