YANGI O‘QUV YILI — YANGI MAQSADLAR VA YANGI MARRALAR

Xalq deputatlari Qiziltepa tumani Kengashi deputati M. Muqimova tumandagi 15-sonli umumiy o‘rta ta’lim maktabida yangi o‘quv yilining boshlanishi munosabati bilan tashkil etilgan tadbirda ishtirok etdi.

Yangi o‘quv yili maktab jamoasi, ustoz va murabbiylar hamda o‘quvchilar uchun ko‘tarinki ruh, ezgu niyatlar va katta maqsadlar bilan boshlandi.
Har bir yangi o‘quv yili inson hayotida yangi sahifa ochadi. Bu sahifaga erishilgan yutuqlar, orttirilgan bilimlar, amalga oshirilgan ezgu ishlar va kelajak sari qo‘yilgan dadil qadamlar bitiladi.

Maktab — nafaqat bilim beriladigan, balki yosh avlodning dunyoqarashi, ma’naviyati, mustaqil fikrlashi va kelajakka bo‘lgan ishonchi shakllanadigan muhim maskandir.

Tadbir davomida o‘quvchilarga puxta bilim olish, o‘z ustida muntazam ishlash, yuksak marralarni ko‘zlab intilish hamda Vatan ravnaqiga munosib hissa qo‘shadigan barkamol avlod bo‘lib voyaga yetish borasida samimiy tilaklar bildirildi.