📚 YANGI O‘QUV YILI — YANGI MARRALAR SARI ILK QADAM!

Bandixon tuman ixtisoslashtirilgan maktabida O‘zbekiston Respublikasi Mustaqilligining 35 yilligi hamda “Bilimlar kuni” munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida tantanali “Birinchi qo‘ng‘iroq” tadbiri bo‘lib o‘tdi.

Yangi o‘quv yilining ilk qo‘ng‘irog‘i jaranglab, maktab bag‘rini yana bolalarning beg‘ubor kulgisi, quvonchi va ezgu orzulari to‘ldirdi.

🇺🇿 Tadbirda O‘zbekiston Respublikasi Prezidenti tomonidan yangi o‘quv yili munosabati bilan maktab o‘quvchilari, ustoz va murabbiylarga yo‘llangan bayram tabrigi Xalq deputatlari Bandixon tumani Kengashi deputati X. Abdimo‘minov tomonidan o‘qib eshittirildi.

Zero, bilim — kelajak poydevori, ustoz — ma’rifat yo‘lboshchisi, yoshlar esa Yangi O‘zbekistonning bunyodkor kuchidir.

Yangi o‘quv yili barcha o‘quvchilarimizga ulkan zafarlar, ustozlarimizga kuch-g‘ayrat va sharafli faoliyatlarida muvaffaqiyatlar olib kelsin!