Xalq deputatlari Angor tumani Kengashi kotibiyati mudiri M. Yarmatov hamda Xalq deputatlari Angor tumani Kengashi 20-Do‘stlik saylov okrugi deputati Qulliyeva Orzigul Abdullayevna ishtirokida mahalla faoliyati o‘rganilib, mavjud holat va amalga oshirilayotgan ishlar tahlil etildi.

O‘rganish davomida mahallada aholi murojaatlari bilan ishlash, fuqarolarning muammolarini aniqlash va ularni hal etish borasidagi ishlar, shuningdek, mahalla hududida olib borilayotgan ijtimoiy-iqtisodiy jarayonlar yuzasidan fikr almashildi.

Shuningdek, deputatlik faoliyatini yanada samarali tashkil etish, hududdagi muammolarni manzilli o‘rganish va ularning yechimini ta’minlashda deputatlik nazoratidan unumli foydalanish masalalariga alohida e’tibor qaratildi.

O‘rganish jarayonida tuman Kengashi kotibiyati bosh mutaxassisi L. Xurramov ham ishtirok etdi.

Bundan tashqari, kotibiyat mudiri M. Yarmatov tomonidan deputatga qonunchilik hujjatlari bilan ishlash va ularni deputatlar o‘rtasida yo‘nalishlar kesimida taqsimlash tartibi yuzasidan amaliy tushuntirishlar berilib, tegishli qonun hujjatlari bilan bevosita tanishtirildi.

Mazkur o‘rganish deputatning hududdagi mavjud masalalarni chuqur tahlil qilishi, fuqarolar manfaatlarini himoya qilish hamda mahallada aniqlangan muammolarni tegishli tashkilotlar bilan hamkorlikda hal etishga qaratildi.