Xalq deputatlari Angor tumani Kengashining 2-Xo‘jaqiya saylov okrugi deputati Jovliyev Ravshan hududida amalga oshirilayotgan obodonlashtirish va infratuzilmani yaxshilash ishlari o‘rganildi.O‘rganish jarayonida Xalq deputatlari Angor tumani Kengashi kotibiyati mudiri M. Yarmatov hamda mahalla raisi ishtirokida hududdagi piyodalar yo‘lakchasi qurilishi va ko‘chalarni asfaltlash ishlari ko‘zdan kechirildi.

Ayniqsa, fuqarolar uchun qulay va xavfsiz harakatlanish imkoniyatini yaratish maqsadida piyodalar yo‘lakchasining chetki qismiga ko‘zi ojiz va zaif ko‘ruvchi fuqarolar uchun mo‘ljallangan maxsus yo‘naltiruvchi qoplamalar (trotuar chetlariga) o‘rnatilayotgani e’tiborga olindi.

O‘rganish davomida bajarilayotgan ishlarning sifati, belgilangan talablarga muvofiqligi hamda fuqarolar uchun qulaylik yaratish darajasiga alohida e’tibor qaratildi.
Mazkur ishlarning sifatli va belgilangan muddatlarda yakunlanishi hudud infratuzilmasini yaxshilash, aholining xavfsiz va erkin harakatlanishini ta’minlashga xizmat qiladi.