Yunusobod tumanidagi 274-sonli umumta’lim maktabida yangi 2026–2027 o‘quv yilining boshlanishiga bag‘ishlangan bayram tadbiri o‘zgacha shukuh bilan o‘tkazildi.

🌟Ayniqsa, maktab hayotiga ilk bor qadam qo‘yayotgan jajji o‘quvchilarning quvonchi, ustozlarning ezgu tilaklari va ota-onalarning hayajoni tadbirga ko‘tarinki kayfiyat bag‘ishladi.

🇺🇿Tadbirda Xalq deputatlari Yunusobod tumani Kengashi deputati Usmanov Nig‘matilla ishtirok etib, o‘quvchilar va pedagoglar bilan samimiy muloqot qildi. Deputat yoshlarni bilimga intilish, o‘z oldiga katta maqsadlar qo‘yish va Vatanga munosib farzand bo‘lib ulg‘ayishga chorladi.

📖Maktab — nafaqat bilim maskani, balki kelajak bunyodkorlari kamol topadigan muhim dargohdir. Bugungi o‘quvchilarning har bir yutug‘i ertangi kunimiz taraqqiyotining mustahkam poydevoridir.

🇺🇿Yangi o‘quv yili barcha o‘quvchilarimizga yangi imkoniyatlar, unutilmas taassurotlar va yorqin natijalar olib kelsin!