✅ Шымбай районында хызмет көрсетиў тараўын раўажландырыў, заманагөй инфраструктураны жақсылаў ҳәм жаңа жумыс орынларын жаратыў бойынша кең көлемли жумыслар алып барылмақта.

Атап айтқанда, Халық депутатлары Шымбай районлық Кеңеси баслығы О.Толыбеков район аймағында бой көтерип атырған заманагөй саўда комплексиндеги қурылыс-оңлаў жумысларының барысы менен жақыннан танысты.

♻️ Илаж даўамында депутат қурылыс объектлеринде әмелге асырылып атырған жумыслардың сапасы, белгиленген мүддетлерде пайдаланыўға тапсырылыўы ҳәм қурылысшылар ушын жаратылған шараятларға айрықша итибар қаратты. Сондай-ақ, жуўапкер қурылыс кәрханасы ўәкиллери ҳәм жумысшылар менен сәўбетлесип, объектти өз ўақтында ҳәм жоқары сапада питкериў бойынша тийисли усыныслар берди.

✍️ Бул заманагөй саўда комплекси пайдаланыўға тапсырылыўы нәтийжесинде аймақ турғынлары ушын қолайлы саўда ҳәм хызмет көрсетиў шараятлары жаратылып, аймақтың экономикалық потенциалын асырыўға ҳәм бир неше жаңа жумыс орынларының ашылыўына хызмет етеди.