🎓 Yangi o‘quv yili — yangi marralar sari ilk qadam!

Bugun yurtimizdagi barcha ta’lim maskanlarida bo‘lgani kabi, Sherobod tumanidagi 65-sonli umumta’lim maktabida ham 2026/2027-o‘quv yilining boshlanishiga bag‘ishlangan “Birinchi qo‘ng‘iroq” tadbiri ko‘tarinki ruhda tashkil etildi.

Tadbirda Xalq deputatlari Sherobod tumani Kengashi raisi O. Tursunov faol ishtirok etib, o‘quvchilar, ustozlar va ota-onalarni yangi o‘quv yili boshlanishi bilan samimiy muborakbod etdi.

Tantanali tadbirda so‘zga chiqqanlar yosh avlodga sifatli ta’lim-tarbiya berish, ularning bilim va salohiyatini ro‘yobga chiqarish, kelajakda Vatanga munosib farzandlar bo‘lib voyaga yetishida ta’lim maskanlarining muhim o‘rniga alohida to‘xtaldilar.

Ayniqsa, maktab ostonasiga ilk bor qadam qo‘ygan 1-sinf o‘quvchilarining hayajonli onlari tadbirga o‘zgacha fayz bag‘ishladi. Ularning qo‘llaridagi ilk kitoblari, yuzlaridagi beg‘ubor tabassum va qalblaridagi orzular yangi o‘quv yilining unutilmas lahzalariga aylandi.

🌟 Aziz o‘quvchilar! Sizlarni yangi o‘quv yili bilan muborakbod etamiz! Ilm olish yo‘lidagi har bir qadamingiz muvaffaqiyatli, orzu va maqsadlaringiz ulkan zafarlar bilan hamohang bo‘lsin!

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube