Umumta’lim maktablarida kuz-qish mavsumini munosib o‘tkazishga tayyorgarlik ishlari deputatlar tomonidan o‘rganilmoqda.

Xalq deputatlari Andijon shahar Kengashi deputati Avazbek Appaqov o‘z tashabbusi bilan 51-umumta’lim maktabiga tashrif buyurdi.

Tashrif davomida maktabning kuz-qish mavsumiga tayyorgarlik holati, isitish tizimlari, mavjud infratuzilmalarning sozligi hamda ta’lim olish uchun yaratilgan sharoitlar ko‘zdan kechirildi.

Shuningdek, maktab mas’ullari bilan muloqot qilinib, mavsumni barqaror va xavfsiz o‘tkazish, aniqlangan masalalarni o‘z vaqtida bartaraf etish yuzasidan tegishli tavsiyalar berildi.