📖 Xalq deputatlari Shovot tumani Kengashi huzuridagi Yoshlar maslahat guruhi faoliyati doirasida yoshlarning kitobxonlik madaniyatini oshirish, ularning bo‘sh vaqtini mazmunli tashkil etish hamda kitob o‘qishga bo‘lgan qiziqishini yanada kuchaytirish maqsadida uchrashuv tashkil etildi.
🤝 Unda Yoshlar maslahat guruhi a’zosi Matsapoyev Sulaymon Dilshod o‘g‘li, tuman Kengashi deputati Nurjanova Matluba Odombayevna hamda Kotibiyat bosh mutaxassisi Ro‘zmetov Umrbek Shavkatovich ishtirok etdi.
📍 Tadbir davomida tuman Yoshlar markazida yoshlar uchun kitobxonlik yo‘nalishida yaratilgan imkoniyatlar o‘rganilib, faol yosh kitobxonlar bilan samimiy muloqot qilindi.
🤝 Uchrashuvda yoshlarning kitobga bo‘lgan qiziqishini yanada oshirish, mutolaa madaniyatini rivojlantirish hamda bo‘sh vaqtlarini mazmunli tashkil etish bo‘yicha fikr va takliflar almashildi.