ONALAR VA BOLALAR SALOMATLIGI — USTUVOR VAZIFA

Onalar va bolalar salomatligini muhofaza qilish, xotin-qizlarning reproduktiv salomatligini mustahkamlash, homilador ayollar hamda bolalarga sifatli tibbiy xizmat ko‘rsatish — eng muhim vazifalardan biridir.

Bugungi kunda yurtimizda bu yo‘nalishda keng ko‘lamli ishlar amalga oshirilmoqda. Birlamchi tibbiy xizmatni mustahkamlash, kasalliklarni erta aniqlash, profilaktika va skrining tadbirlarini kengaytirish, zamonaviy diagnostika usullarini joriy etish hamda tibbiyot xodimlari malakasini oshirishga alohida e’tibor qaratilmoqda.

📌 Har bir oila e’tiborda

Xalq deputati sifatida men uchun hududimizdagi har bir oilaning salomatligi va farovonligi muhim. Ayniqsa:

🔹 homilador ayollarni o‘z vaqtida tibbiy ko‘rikdan o‘tkazish;
🔹 xavf guruhidagi ayollarni alohida nazoratga olish;
🔹 chaqaloq va bolalar salomatligini muntazam kuzatish;
🔹 profilaktik ko‘rik va skrining tadbirlarining sifatini oshirish;
🔹 aholi murojaatlarini o‘rganish va mavjud muammolarni mas’ul tashkilotlar oldiga olib chiqish — doimiy e’tiborda bo‘lishi zarur.

🩺 Profilaktika — eng samarali himoya

Kasallikni davolashdan ko‘ra, uning oldini olish muhim. Shu bois sog‘lom turmush tarzi, to‘g‘ri ovqatlanish, jismoniy faollik, shaxsiy gigiyena va reproduktiv salomatlik bo‘yicha targ‘ibot-tushuntirish ishlarini kuchaytirish lozim.

Bolalar salomatligida esa emlash, patronaj xizmati, to‘g‘ri ovqatlanish, jismoniy va ruhiy rivojlanishni kuzatish hamda kasalliklarni erta aniqlash alohida ahamiyatga ega.

📌 Deputatlik nazorati — amaliy natija uchun

Davlat dasturlarining samarasi, avvalo, ularning joylarda qay darajada va sifatli amalga oshirilayotgani bilan belgilanadi. Shu sababli tibbiyot muassasalari, mahalla faollari, xotin-qizlar faollari, ta’lim tashkilotlari va ota-onalar bilan hamkorlikni yanada kuchaytirish muhim.

Xalq deputatlari Sherobod tuman Kengashi 4-Uch yog‘och-Qarabog‘ saylov okrugi deputati Xashimova Karomat Paqirovna

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube