Xalq deputatlari Bekobod tumani Kengashiga Oʻzbekiston "Adolat" sotsial-demokratik partiyasidan saylangan deputat A.Rajabov hamda Kengash kotibiyati bosh mutaxassisi A.Utegenov Bogʻishamol mahallasi, Amir Temur koʻchasida yashovchi fuqaro Xakima Qayumovaning ichki yoʻlni tartibga keltirish boʻyicha murojaatini joyiga chiqqan holda oʻrgandilar.

Oʻrganish davomida murojaatda koʻrsatilgan holat atroflicha koʻzdan kechirildi. Aniqlangan muammo "Koʻchama-koʻcha yurish" daftariga qayd etilib, uni bartaraf etish yuzasidan masʼul tashkilotlarga tegishli tavsiyalar va topshiriqlar berildi.

🤝 Fuqarolarning murojaatlariga tezkor munosabat bildirish, muammolarni joyida oʻrganish va ularning ijobiy yechimini taʼminlash deputatlik faoliyatining ustuvor yoʻnalishlaridan biri boʻlib qolmoqda.