♻️Tuman Kengashi 10-saylov okrugi deputati G. Tursunova mahallada aholi bilan ishlash, bandlikni ta’minlash va ijtimoiy-iqtisodiy masalalarni hal etish borasidagi ishlarni o‘rgandi.

♻️O‘rganish davomida "Katta chinor" mahallasi hokim yordamchisi N. Azlarovaning faoliyati, xususan, ishsiz fuqarolarning bandligini ta’minlash, aholini tadbirkorlikka jalb etish, oilaviy tadbirkorlikni rivojlantirish, fuqarolarning daromad manbalarini ko‘paytirish hamda kambag‘allikni qisqartirish bo‘yicha olib borayotgan ishlari tahlil qilindi.

♻️Shuningdek, mahallada yashovchi fuqarolar bilan suhbatlar o‘tkazilib, ularning murojaatlari, mavjud muammolari va takliflari tinglandi. Ayniqsa, ishsiz aholini kasb-hunarga o‘qitish, tadbirkorlik faoliyatini yo‘lga qo‘yish yuzasidan amalga oshirilayotgan ishlarga e’tibor qaratildi.

♻️Deputat tomonidan masʼullarga kamchiliklarni bartaraf etish va mahallada amaliy natijadorlikni oshirish bo‘yicha tegishli tavsiyalar berildi.