Xalq deputatlari Andijon shahar Kengashi deputatlari Avazbek Appaqov va Gulnoraxon Ismoilova Andijon shahridagi 47-umumta’lim maktabida bo‘lib, yangi o‘quv yiliga tayyorgarlik jarayonlarini o‘rgandilar.

Tashrif davomida maktabning sinf xonalari ko‘zdan kechirilib, ularning yangi o‘quv yiliga tayyorgarlik holati, o‘quvchilar uchun yaratilgan sharoitlar, tozalik va obodonlashtirish ishlari ko‘rib chiqildi.

Shuningdek, maktab rahbariyati bilan suhbatlashilib, yangi o‘quv yilini munosib kutib olish, sinf xonalarini zarur jihozlar bilan ta’minlash hamda o‘quvchilar uchun qulay ta’lim muhitini yaratish yuzasidan fikr almashildi.

Deputatlar tomonidan aniqlangan masalalar yuzasidan tegishli tavsiyalar berilib, tayyorgarlik ishlarini sifatli yakunlash bo‘yicha vazifalar belgilab olindi.