Saylovchilar bilan uchrashuv.

Xalq deputatlari Angor tumani Kengashi 16-Zang saylov okrugi deputati Qulliyev Ergash tomonidan Bahor mahallasida saylovchilar bilan uchrashuv tashkil etildi.

Uchrashuv davomida mahalla aholisi bilan samimiy muloqot o‘tkazilib, fuqarolarning murojaatlari, taklif va muammolari tinglandi. Aholini qiynab kelayotgan masalalarni joyida o‘rganish, ularni tegishli tashkilotlar bilan hamkorlikda hal etish yuzasidan fikr almashildi.

Shuningdek, hududni obodonlashtirish, aholi turmush sharoitini yaxshilash, bandlikni ta’minlash hamda ijtimoiy masalalarni hal etish bo‘yicha takliflar muhokama qilindi.
Deputat tomonidan saylovchilar tomonidan bildirilgan murojaat va takliflar e’tiborga olinib, ularning qonuniy yechimini topish bo‘yicha tegishli choralar ko‘rilishi ta’kidlandi.

Bunday uchrashuvlar deputat va saylovchilar o‘rtasidagi bevosita muloqotni mustahkamlash, aholini qiynayotgan muammolarni o‘z vaqtida aniqlash va amaliy yechim topishda muhim ahamiyat kasb etadi.