Maktabning yangi o‘quv yiliga tayyorgarligi o‘rganildi

📈Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan tumanda yoshlarga oid davlat siyosatining amalga oshirilishi, “Yoshlarga oid davlat siyosati to‘g‘risida”gi Qonun ijrosining ta’minlanishi, bitiruvchilarning oliy ta’lim muassasalariga kirish ko‘rsatkichlarining 2 yillik tahlili hamda ijtimoiy soha obyektlarining kuz-qish mavsumiga tayyorgarligi masalalari yuzasidan hududlarda o‘rganishlar davom etmoqda.

🌐Mazkur yo‘nalishlar doirasida xalq deputatlari Pastdarg‘om tumani Kengashi deputati X. Sulaymonova tomonidan Iskandar qishlog‘ida joylashgan 58-sonli umumta’lim maktabining faoliyati va yangi o‘quv yiliga tayyorgarlik holati o‘rganildi.

⚠️O‘rganish davomida maktabning kuz-qish mavsumiga tayyorgarligi, xususan, isitish tizimlarining texnik holati ko‘zdan kechirildi.

‼️ Natijada 3 ta isitish tizimi yaroqsiz holatga kelib qolgani aniqlandi.

⚠️ Aniqlangan muammoni bartaraf etish, maktabda kuz-qish mavsumini sifatli o‘tkazish hamda o‘quvchilar uchun munosib sharoit yaratish maqsadida deputat tomonidan tegishli tashkilotga deputatlik so‘rovi yuborildi.

📌 Muammo joyida aniqlandi. Masalani hal etish uchun deputatlik so‘rovi kiritildi.