🌿 13-UMID SAYLOV OKRUGIDA OBODONLASHTIRISH ISHLARI

Farovon mahallasida umumxalq hashar tadbiri tashkil etildi

Xalq deputatlari Navoiy shahar Kengashi deputati Fayziyeva Feruza Mardonovna tashabbusi bilan 13-Umid saylov okrugiga qarashli Farovon mahallasida obodonlashtirish va sanitariya holatini yaxshilashga qaratilgan hashar tadbiri tashkil etildi.

🏘 Hashar davomida mahalla hududida joylashgan ko‘p qavatli uylar atrofi obodonlashtirilib, hududdagi chiqindilar tozalandi, yo‘laklar va umumiy foydalanish joylari tartibga keltirildi.

🌳 Shuningdek, yashil hududlarni asrab-avaylash, daraxt va butalarni parvarishlash hamda ko‘p qavatli uylar atrofini yanada ozoda va ko‘rkam holga keltirishga alohida e’tibor qaratildi.

🤝 Tadbirda mahalla faollari, aholi vakillari hamda mas’ullar ishtirok etib, hududni obod saqlash, sanitariya-gigiyena talablariga rioya qilish va jamoatchilik asosida obodonlashtirish ishlarini muntazam davom ettirish muhimligi ta’kidlandi.

✨ Mazkur tashabbus mahallada tozalik va obodonlikni ta’minlash, aholi uchun qulay yashash sharoitlarini yaratish hamda fuqarolarning hamjihatligini yanada mustahkamlashga xizmat qiladi.

🌿 Obod mahalla — farovon hayot garovi!