Xalq deputatlari Toyloq tuman Kengashining 3-“Gulobod” saylov okrugi deputati N. Akromova hamda Sanitariya-epidemiologik osoyishtalik va jamoat salomatligi bo‘limi mutaxassislari ishtirokida 41-son davlat maktabgacha ta’lim tashkilotida o‘rganish ishlari olib borildi.

✔️O‘rganish davomida muassasada avval aniqlangan kamchiliklarni bartaraf etish yuzasidan amalga oshirilgan ta’mirlash ishlari ko‘zdan kechirildi. Sanitariya-epidemiologik xulosa asosida kamchiliklar bartaraf etilgani inobatga olinib, muassasa faoliyatini hafta boshidan qayta boshlashga ruxsat berildi.

✔️Mazkur masala deputatlik nazorati doirasida ko‘rib chiqilib, ta’lim-tarbiya jarayonini belgilangan sanitariya talablariga qat’iy rioya etgan holda tashkil etish yuzasidan tegishli tavsiyalar berildi.