#okrugda_o'rganish Sessiyaoldi o‘rganish: maktabdagi ta’lim sharoitlari ko‘zdan kechirildi
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan masala yuzasidan sessiyaoldi o‘rganish ishlari olib borilmoqda.
Shu doirada xalq deputatlari Pastdarg‘om tumani Kengashi deputati F. Islomova tomonidan tumandagi 68- va 17-sonli umumta’lim maktablari faoliyati o‘rganildi.
O‘rganish davomida maktablarda ta’lim-tarbiya jarayonining tashkil etilishi, o‘quvchilar uchun yaratilgan sharoitlar, moddiy-texnik baza, maktablarning yangi o‘quv yiliga tayyorgarlik holati hamda mavjud muammolar ko‘zdan kechirildi.
Aniqlangan kamchilik va muammolar yuzasidan mas’ullarga tegishli tavsiyalar berilib, ularni bartaraf etish bo‘yicha amaliy choralar belgilandi.
Mazkur sessiyaoldi o‘rganishlar sessiyada masalani atroflicha va xolis muhokama qilish, mavjud muammolarga yechim topish hamda deputatlik nazoratini kuchaytirishga xizmat qiladi.