Xalq deputatlari viloyat Kengashi kotibiyati mudiri N. Toychiyeva hamda Xalq deputatlari Andijon shahar Kengashi deputati T. Isroilova tomonidan Andijon shahridagi “Barkamol” MFY hududida joylashgan 43-maktabda amaliy o‘rganish ishlari olib borildi.

O‘rganish davomida 2026–2027-o‘quv yiliga tayyorgarlik jarayonlari, sinf xonalari, yo‘laklar va sport zallarining holati, amalga oshirilgan joriy ta’mirlash ishlari sifati ko‘zdan kechirildi.

Shuningdek, maktabning zamonaviy o‘quv jihozlari, parta-stullar, darsliklar va ko‘rgazmali qurollar bilan ta’minlanganlik darajasi, isitish tizimlarining mavsumga tayyorgarligi o‘rganildi.

Maktab rahbariyati va pedagoglar bilan suhbatlashilib, o‘quvchilar uchun munosib sharoit yaratish hamda aniqlangan kamchiliklarni o‘z vaqtida bartaraf etish yuzasidan tegishli tavsiya va takliflar bildirildi.

Yangi o‘quv yiliga puxta tayyorgarlik — sifatli ta’lim garovi!