Xalq deputatlari Shirin shahar Kengashi deputatlari D. Djumboyeva va N. Alimovalar tomonidan Shahar Energetika texnikumining kuz-qish mavsumiga tayyorgarlik holati o‘rganildi.

O‘rganish davomida ta’lim muassasasining kuz-qish mavsumini betalafot o‘tkazishga tayyorgarligi, isitish tizimlarining texnik holati, mavjud muhandislik-kommunikatsiya tarmoqlari hamda moddiy-texnik bazasi ko‘zdan kechirildi.

O‘rganish jarayonida texnikumning isitish tizimida foydalanilayotgan qozonlarning texnik holati talab darajasida emasligi hamda ularni yangilash zarurati mavjudligi aniqlandi. Mazkur qozonlarni zamonaviy va energiya tejamkor qozonlarga almashtirish, isitish tizimining barqaror va samarali ishlashini ta’minlash yuzasidan tegishli choralar ko‘rish lozim.

O‘rganish yakunlari bo‘yicha aniqlangan kamchilikni bartaraf etish hamda kuz-qish mavsumiga puxta tayyorgarlik ko‘rish yuzasidan mas’ullarga tegishli tavsiya va ko‘rsatmalar berildi.