O‘zbekiston Respublikasi Prezidentining 2021-yil 31-avgustdagi PQ-5241-son qaroriga asosan Toshkent viloyati Chirchiq davlat pedagogika universitetiga biriktirilgan tumanning “Pargos” mahallasida joylashgan ko‘p tarmoqli texnikumni yangi o‘quv yiliga tayyorlash bo‘yicha olib borilayotgan qurilish-ta’mirlash ishlari Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Milliy tiklanish” demokratik partiyasidan saylangan deputat M.Aynashova tomonidan o‘rganildi.

🔺O‘rganish davomida texnikum binosi va uning ichki hamda tashqi hududlarida amalga oshirilayotgan ta’mirlash ishlarining borishi, belgilangan vazifalarning ijrosi, qurilish materiallaridan maqsadli foydalanish hamda ishlarni sifatli bajarish holati ko‘zdan kechirildi.

🔺Shuningdek, o‘quv xonalari, ustaxonalar, ma’muriy xonalar va umumiy foydalanish joylarining yangi o‘quv yiliga tayyorgarligiga alohida e’tibor qaratildi. Ta’mirlash jarayonida ta’lim oluvchilar uchun xavfsiz va qulay muhit yaratish, xonalarning sanitariya-gigiyena talablariga muvofiqligini ta’minlash masalalari ham muhokama qilindi.

🔺Deputat tomonidan qurilish-ta’mirlash ishlarini belgilangan muddatlarda yakunlash bilan bir qatorda, bajarilayotgan ishlar sifatiga jiddiy e’tibor qaratish zarurligi ta’kidlandi. Ayniqsa, o‘quv jarayoni boshlanguniga qadar aniqlangan kamchiliklarni bartaraf etish, texnikum hududini obodonlashtirish va mavjud infratuzilmani tartibga keltirish bo‘yicha mas’ullarga tegishli tavsiyalar berildi.